Еуропаның төрт бірдей елінде «Ryanair» әуе компаниясы қызметкерлері ереуілге шықты

Наразылық акциялары Португалия, Бельгия, Испания және Италия елдерінде өтіп жатыр. Осыған орай континенталдық Еуропада кемінде 600 ұшақ рейсі доғарылуы мүмкін. Бұл өз кезегінде 60 мыңнан астам жолаушыға әсер етеді.

Компания басшылығы бірқатар жеңілдіктерге барғанымен, кәсіподақтар еңбекақы көлемін өсіруді,  жұмыс істеуге жағдай жасауды талап етіп жатыр.

Қазіргі уақытта бұл бюджеттік әуе компаниясы қаржылық қиындықтарға ұшырап отыр. Оның тоқсан сайынғы кірісі былтырғы жылмен салыстырғанда 20 пайызға азайып кеткен. 

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.