Кишиневте мыңдаған адам шерулетіп жатыр

Молдова астанасында ондаған мың адам шеруге шықты. Олар соттың қала басшылығына өткен сайлау нәтижелерін мойындамауына наразы. Бірнеше күн бұрынғы сайлауда еуропашыл «Платформа, Абырой және Шындық» партиясынан шыққан кандидат Андрей Нэстасе бәрін басып озған еді. Алайда, сот оның жеңісін мойындаған жоқ. Бұған ашынған топ Молдова үкіметі алдындағы алаңға жиналып, кейін парламент ғимаратына дейін шерулеткен.

Бұл жағдай онсыз да 2015 жылғы үлкен коррупциялық дау-дамайдан кейін дағдарысқа ұшыраған елдегі саяси ахуалды тағы да қиындатып отыр.  

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.