Палестиналықтар Израиль аумағына өрт тұтандыратын батпырауықтар ұшыруда

Палестиналықтар Газа Секторынан Израиль аумағына өрт тұтандыратын батпырауықтар ұшырып жатыр. Оның салдарынан егін алқаптары мен ормандар отқа оранған. Әзірге адамдар жапа шеккен жоқ. Алайда, 910 гектар аумақта егістіктер мен табиғи қорықтар күлге айналған. Әрі өрттің тез тарауына Жерорта теңізінен соққан қатты жел себепші болған көрінеді. Израиль отты батпырауықтардың жолын кесу үшін дрондарды қолдануда. Палестиналықтар осылайша наурыздағы шерулерде 120 арабты мерт қылған Израиль әскерінен кек алып жатыр.

Арай ТӨЛЕГЕНҚЫЗЫ