Вьетнамның жағажайында құмнан қоқыс көп

Вьетнамда экология жанашылары дабыл қағып жатыр. Елдің Хау Лок атты жағажайында құмнан қоқыс көп. Бір кездері тазалығымен танымал болған туристік орын пластик қалдықтарға толы. Жағдай бақылауға алынбаса, Ханой қаласының оңтүстігіндегі жағажайдың табиғатын қалпына келтіру қиын болмақ. 2015 жылғы зерттеуге сай, Вьетнам теңізді ең көп ластайтын елдердің бестігіне кіреді. Ал, БҰҰ-ның мәліметінше, жыл сайын мұхитқа 8 миллион тонна пластик қоқыс тасталады екен.

Арай ТӨЛЕГЕНҚЫЗЫ