Солтүстік Корея бүгін Оңтүстік Кореямен арада болуы тиіс келіссөздердің өтпейтінін мәлімдеді

Пхеньян америкалық және оңтүстіккореялық әскерилердің бірлескен жаттығу өткізуіне наразы. Солтүстік Кореяның ресми жаңалықтар агенттігі бұл маневрларды «арандатушылық, әрі елге қарсы соққы беруге жаттығу» деп мәлімдеді. Бұған қоса, Пхеньян АҚШ-ты маусымның 12-де Сингапурде өтетін Трамп-Ким саммитінің келешегі туралы ойлануға үндеп отыр.  Дегенмен, АҚШ бұл кездесуге дайындалып жатқанын мәлімдеді.

Айта кетсек, Оңтүстік Корея мен АҚШ екі ел арасындағы әскери ойындардың қорғаныс мақсатында жүргізілетінін әркез мәлімдеп келеді.

Арай ТӨЛЕГЕНҚЫЗЫ

«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.