Аргентина жаңа валюталық дағдарысқа ұшырауы мүмкін

Ел билігі төл ақша - песо бағамын тұрақтандыруға әрекет жасап жатыр. Жыл басынан бері бұл валюта долларға қатысты 20 пайызға арзандаған. «Рейтер» мен «Блумберг» агенттіктерінің деректеріне сай, наурыз және сәуір айларында Аргентина Орталық банкі песо құнын ұстап тұру үшін 7 млрд. доллар немесе валюта резервтерінің 10 пайызын жұмсады. Қазір елде инфляция шарықтап, 25,4 пайызға жетіп отыр. Орталық банк бір аптада пайыздық мөлшерлемені екі мәрте көтеріп, монетарлық саясатты қатаңдатқанымен, бұл шара әзірге нәтижесін берген жоқ.

Арай ТӨЛЕГЕНҚЫЗЫ

«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.