Нью-Йорктегі аукцион үйі 750-ден астам туындыны сатылымға шығармақ

«Кристи» аукцион үйі Нью-Йоркте ХХ ғасыр суретшілерінің 750-ден астам туындысын сатылымға шығармақ. Бұл туындылардың арасында Пабло Пикассоның «Лё Марині» бар. Аталған лот 70 млн. долларға сатылуы мүмкін. Бұл картинада суретшінің Екінші дүниежүзілік соғыс жылдарындағы жабырқау көңіл-күйі бейнеленген. Сонымен бірге, орыс суретшісі Казимир Малевичтің «модернистік қозғалыс үшін негізгі жұмыс» деп бағаланған туындысы бар. Осы және өзге де картиналар мен мүсіндерден аукцион үйінің бағалауынша, 850 млн. доллар жиналуы мүмкін.

Арай ТӨЛЕГЕНҚЫЗЫ

«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.