Берлин орталығында бомба залалсыздандырылды

Берлинде Екінші дүниежүзілік соғыстан қалған бомба табылып, бүгін ол сәтті залалсыздандырылды. Бұл операцияның алдында қаланың жартысына дерлігі қауіпсіз жерге көшірілген. Қауіпті аймаққа Берлин орталық вокзалы, экономика және көлік министрлігі, әскери госпиталь, Өзбекстан және Үндістан елшіліктері кірді.

Снаряд құрылыс жүріп жатқан жол бөлігінен табылған. Ол учаске жабылып, автобус, трамвай, пойыз қозғалысы тоқтатылды.

Екінші дүниежүзілік соғыстың аяқталғанына 70 жылдан астам уақыт өтсе де, Германияда сол кезден қалған бомбалар мен оқ-дәрілер жыл сайын табылып жатады.

Арай ТӨЛЕГЕНҚЫЗЫ