Жаңалықтарды Telegram арнамыздан оқыңыз!Шанхай ғалымдары мәліметтерді сақтауға арналған жылдам, үнемді, әрі тиімді технология ойлап тапты. Құрылғы екі өлшемді жартылай өткізгіштердің көмегімен жасалған. Оның арқасында қажетті деректерді тез, энергия шығындаусыз сақтауға мүмкіндік бар. Қазір мәліметтерді сақтаудың екі түрі бар. Олар - компьютер жадысы мен флешкалар.
Дегенмен, бірінші жағдайда, компьютер істен шықса, оның ішіндегі мәліметтерге қол жеткізуге мүмкіндік болмайды. Яғни, энергияға тәуелді. Ал, флешкаларға мәліметтерді жазу және сақтау жағы тиімсіз. Ал, соңғы технологияның жылдамдығы бұл екеуінен 10 мың есе жоғары, үнемді болып шықты. Әрі ондағы мәліметтерді белгілі уақытқа дейін сақтауға болады.
Арай ТӨЛЕГЕНҚЫЗЫ
