Йеменде мыңдаған адам соғысқа қарсы шеруге шықты

Ел астанасы Санада өткен акцияға көтерілісші-хуситтер қатысқан. Осы демонстрация арқылы олар Йеменде 4-ші жылға ұласқан қарулы қақтығысты тоқтатуды талап етіп отыр.

Айта кетсек, 2015 жылы сүнниттік Сауд Арабиясы бастаған араб елдерінің коалициясы Иранның қолдауына сүйенген шиит-хуситтерге қарсы әскери операция жүргізіп жатыр. Өйткені, хуситтер Йемен астанасын басып алып, президент Мансұр Хадидің елден кетуге мәжбүр еткен.

Бұл соғыстан 10 мыңдай адам қаза тауып, 2 миллиондайы үйлерін тастап кетті. 1 миллиондай тұрғын безгек ауруына шалдықты. Тағы сан миллионы ашаршылыққа душар болды. Осылайша, Араб түбегіндегі ең кедей мемлекет Йемен қазір сұмдық гуманитарлық дағдарыстан зардап шегіп отыр.   

Арай ТӨЛЕГЕНҚЫЗЫ