Жаңалықтарды Telegram арнамыздан оқыңыз!«Француз өрмекшісі» аталып кеткен Ален Робер Париждегі төртінші зәулім ғимаратты бағындырды. Ол биіктігі 187 метр нысанға 1 сағатта өрмелеп шыққан.
55 жастағы Ален Робер 11 жасынан бері 150 зәулім ғимараттың төбесіне көтерілген екен. Олардың қатарында Дубайдағы Бурдж Халифа, Сидней Опера үйі, Эйфель мұнарасы бар. Ол кейбір ғимараттардың ұшар басына рұқсатсыз өрмелегені үшін бірнеше рет тұтқындалған. Мысалы, 2008 жылы Ален Нью-Йорк-Таймс-билдингтің төбесіне шыққаны үшін қамауға алынды.
«Өрмекші адам» мұнымен шектеліп қалмай, болашақта әлі талай биіктерді бағындыратынына сенімді.
Арай ТӨЛЕГЕНҚЫЗЫ
