Австралия тұрғындары 57 мыңнан астам заңсыз қаруды үкіметке тапсырды

Австралия тұрғындары 57 мыңнан астам заңсыз қаруды үкіметке өз еркімен тапсырды. Олар 3 айлық амнистия кезінде жиналып отыр. Жойылуға өткізілгендердің арасында автомат және жартылай автомат қару түрлері көп. Билік осы шара арқылы елде қауіпсіздік арта түскенін алға тартты. Австралияда қару саудасы 1996 жылғы атыста 35 адам мерт болғаннан кейін мейлінше күшейтілді. Мұнда жеке тұлғаларға автомат және жартылай автомат винтовка мен бытыралы мылтықтарды сатып алуға тыйым салынған.  Ал, заңсыз қаруды өз еркімен тапсырмағандар 210 мың АҚШ доллары көлемінде айыппұл төлеп, 14 жылға бас бостандығынан айырылады.    

Арай ТӨЛЕГЕНҚЫЗЫ