Анкарада 11 дәрігер тұтқындалды

Түркияда Дәрігерлер қауымдастығының басшысы мен 10 мүшесі тұтқындалды. Өйткені, олар Анкараның Сирияда күрд отрядтарына қарсы операция жүргізуін сынға алған. Қазір осы іске байланысты тағы 8 провинцияда іздеу-тұтқындау шаралары жүргізіліп жатыр.

Дәрігерлер өткен аптада «Соғыс керек емес, дереу бейбітшілік орнасын» деген ұран көтерген. Сол үшін президент Реджеп Тайып Ердоған бұл ұйымды сатқын деп айыптады.

Түрік армиясы Сирияның Африн ауданын күрдтер жасақтарынан тазарту науқанын қаңтардың 20-да бастады. Содан бері осы операцияға қарсы әлеуметтік желіде пікір білдірген 300-ден астам адам тұтқындалыпты.

Арыстан РЫСБЕК