Жаңалықтарды Telegram арнамыздан оқыңыз!Мұны бүгін осы мегаполистің мэрі Чен Чжининь қаланың 15-ші халықтық конгресінің сессиясында жүздеген делегаттың алдында мәлімдеді. Оның сөзінше, 2018 жылдан бастап мұндай ғимараттардың көбеюіне мүлде жол берілмейді.
Бұл науқаннан төменгі тап зардап шегейін деп отыр. Өйткені, олар тұрып жатқан үйлердің көбі заңсыз деп танылып, сырыла бастады. Кейбір қоғам белсенділерінің сөзінше, үкімет Бейжіңнен миллиондаған мигрантты шығару үшін осындай шараны қолға алды.
Былтыр қыркүйекте жарияланған жоспар бойынша, Бейжіңнің 22 миллион тұрғынының саны 2020 жылы 23 миллионнан аспауы керек. Өйткені, мұнда су тәрізді табиғи ресурстарды үнемдеу қажет болып отыр.
Арыстан РЫСБЕК
