Шығыс Қытай теңізіне батып кеткен ирандық танкерден улы отын жайылып жатыр

Шығыс Қытай теңізіне батып кеткен ирандық танкерден төгілген улы отын төртке бөлініп, 100 шаршы шақырым аумаққа тарады. Ол қоршаған ортаға орасан зиян келтіреді деген қауіп бар. 136 мың газ конденсатын тиеген танкер қаңтардың 6-да Қытайдың жүк кемесіне соғылып, 32 адам қаза тапты. Құрбандардың 30-ы – Иран, екеуі – Бангладеш азаматтары.

Қазір танкер 115 метр тереңдікте жатыр. Одан аққан отынды тоқтату үшін су астына арнайы роботтар жіберу жоспарланып отыр. Сонымен қатар, қазір теңізді май дақтарынан тазарту жұмыстары жүргізіліп жатыр.

Арыстан РЫСБЕК