Жерорта теңізінде 64 мигрант қаза тапты

Жерорта теңізінде жоғалған 64 адам қаза тапса керек. Мұны бүгін «Associated Press» агенттігі хабарлады. Оның мәліметінше, құрдымға кеткен африкалық мигранттардың ішінде аман қалған 3 жасар қыздың анасы да бар. Ол әйел суға батып бара жатқанда бүлдіршін анасынан айрылғысы келмеді. Бірақ, мамандар кішкентай қызды соңғы секундта құтқарып үлгерген.

Бұл апатқа контрабандашылардың әрекеті себепші. Олар резина қайыққа тым көп босқын отырғызған. Дегенмен, 86 мигрант жағалауға тірі жеткізілді.

Ресми ақпаратқа жүгінсек, былтыр Ливия мен Италия арасында 119 мың африкалық құтқарылып, 3100-і қаза тапқан.

Арыстан РЫСБЕК