Әлемдегі ең үлкен ұшақ - амфибия алғаш рет әуеге көтерілді

Әлемдегі ең үлкен ұшақ-амфибия алғаш рет әуеге көтерілді. Қытайда жасалған бұл авиациялық машина аспанда бір сағаттай қалықтап, жерге сәтті қонған. Көлемі Боинг-747-мен  тең ұшақтың төрт моторы бар. Оларды да жергілікті мамандар құрастырған.

50 адам тасымалдауға арналған AG600 лайнері 12 сағат бойы ұшып, өрт сөндіру және құтқару операцияларын жүргізе алады. Дегенмен, мұндай техниканы әскери мақсатқа да қолдануға болады. Мәселен, алып ұшақ Оңтүстік Қытай теңізінде Бейжіңнің таласы бар барлық аралдарға оп-оңай жетеді деген болжам бар.

Арыстан РЫСБЕК