Жаңалықтарды Telegram арнамыздан оқыңыз!Чилиде өткен президенттік сайлау нәтижесінде миллиардер Себастьян Пинера билікке қайта келді. 68 жастағы саясаткер бұл елді 2010-2014 жылдары аралығында басқарған еді. Бұл жолы оған сайлаушылардың 54,58 пайызы дауыс берген. Чили 1990 жылы демократияға көшкелі ешқандай президенттікке кандидат мұнша дауыс жинаған емес. Пинера ел экономикасының қарыштап дамуына қайта жол ашып, айналасына бизнеске жақын адамдарды жинайтынын мәлімдеді. Ол билік еткен бірінші мерзімде бұл мемлекеттің жалпы ішкі өнімі жыл сайын 5 пайыздан аса өсіп отырған. Чилиде президенттік сайлаудың бірінші раунды қараша айында өтіп, онда да Пинера өз бәсекелесі, журналист Алехандро Гильерден айтарлықтай басым түскен.
Арыстан РЫСБЕК
