Ердоған ИЫҰ саммитінде Иерусалим мәселесін көтерді

Түркия президенті Реджеп Тайып Ердоған Иерусалимді Палестинаның астанасы етіп жариялауға шақырды. Мұндай үндеуді ол әлем державаларына қаратып, Ислам Ынтымақтастығы Ұйымының саммитінде жасады.

50-ден астам ел өкілдерінің басын қосқан конференция Стамбулда өтіп жатыр. Онда Түрік Республикасының лидері Израильге Иерусалимді сыйлай салды деп Вашингтонды айыптады.

Естеріңізе сала кетсек, өткен аптада АҚШ президенті Дональд Трамп бұл қаланы еврей мемлекетінің астанасы деп жариялағаны белгілі. Айта кету керек, Иерусалимді Израиль 1967 жылы басып алды. Алайда,  халықаралық қауымдастық көне қалаға Израильдің билігін мойындаған емес.

Арыстан РЫСБЕК