АҚШ Ресейге қатаң ескерту жасады

Ресей Украинадан соның ішінде, Қырымнан кеткенше, оған қарсы санкциялар тоқтатылмайды. Мұны бүгін Венада АҚШ-тың  Мемлекеттік хатшысы Рекс Тиллерсон ресейлік әріптесі Сергей Лавровқа бетпе-бет отырып ескертті. «Ресей басқыншылығын ешқашан қабылдай алмаймыз. Мәскеу түбекті Украинаға қайтарғанша және Донбасстан өз күштерін әкеткенше, еуропалық серіктестерімізбен бірге оған қарсы санкцияларды сақтай береміз», - дейді Құрама Штаттардың бас дипломаты.

Айта кетсек, Украина әскері мен сепаратистер арасындағы қарулы жанжалдардан 2014 жылдан бері 10 мыңнан астам адам қаза тапты. Алайда, Кремль Донецк пен Луганск облыстарындағы көтерілісшілерге жәрдемдесті деген айыпты жоққа шығарып келеді.

Арыстан РЫСБЕК