Мұнай өндірісі тағы 1 жылға шектелуі мүмкін

ОПЕК пен ОПЕК-ке кірмейтін елдер әлемде мұнай өндірісін тағы бір жылға шектеуі мүмкін. «Рейтер» агенттігінің хабарлауынша, бұл туралы шешім бүгін Венада өтетін кезекті конференция соңында қабылдануы ықтимал. Егер бұл болжам расталса, мұнай өндірісін қысқарту туралы былтыр қабылданған келісімнің мерзімі 2018 жылдың соңына дейін ұзартылады. Бірақ, Ресей алаңдаулы. Өйткені, өндіріс көлемі азайса, шикізат бағасы өсіп, АҚШ-та тақтатастан мұнай алу деңгейі артады. Демек, «қара алтын» құны қайта түсуі мүмкін. Ал, кейбір сарапшылардың пікірінше, биыл желтоқсан айында мұнайдың бір баррелінің нарқы 70 долларға дейін көтерілуі мүмкін.

Арыстан РЫСБЕК