Жаңалықтарды Telegram арнамыздан оқыңыз!Қытай астанасы Бейжіңдегі балабақшалардың бірі полицияның назарына ілікті. Мемлекеттік «Синьхуа» агенттігінің хабарлауынша, мұнда тәрбиешілер бүлдіршіндерге ине сұққан, белгісіз таблеткалар берген, шешіндірген немесе қараңғы бөлмеге қамап қойған. Мұны балалардың ата-аналары айтты. Олар осы іске байланысты полицияға шағым түсірген. Қазір мектепке дейінгі мекемелерде тергеу жүріп жатыр.
Жергілікті басылымдардың дерегінше, 2 жастан 6 жасқа дейінгі балалар зардап шеккен. Ал, оларға қорлық көрсеткен мұғалімдер мен тәрбиешілер жұмыстан аластатылды.
Арыстан РЫСБЕК
