ЛНР-де билік күшпен ауысты

Украинаның шығысындағы өзін-өзі республика деп жариялаған ЛНР-де билік күшпен ауысты. Мұны Ресейдің «Новая газеті» хабарлап отыр. Луганск көшелерінде қарулы адамдар мен әскери техника пайда болды. Ал, осы сепаратистік республика лидері Игорь Плотницкий Мәскеуге қашты деген мәлімет бар. Плотницкий бұған дейін «ішкі істер министрі» Игорь Корнетті отставкаға жіберген-ді.

Алайда, Корнет аймақ басшыларын Украина арнайы қызметімен байланыста деп айыптап, орнынан кетуден бас тартты. Оған көмекке ДНР-ден қосымша күш жеткен. Донбасста соғыс 2014 жылы басталды. Оның нәтижесінде Луганск және Донецк облыстарының кейбір аудандары ресейшіл көтерілісшілердің қарамағына өткені белгілі.

Арыстан РЫСБЕК