Таиландта  20 этникалық ұйғыр түрмеден қашты

Таиландта 20 этникалық ұйғыр қамау орталығынан қашып кетті. Бұл оқиға Тай-Малайзия шекарасында болған. Олар түрменің қабырғасының астын қазып, баспалдақ салып, бір-бірін ақжаймамен тартып, далаға шығарған.

Соңғы мәліметке қарағанда, қашқындардың бесеуі тұтқындалды. Қалғандары әлі бостандықта. 

Таиландта 2014 жылы 200-ден астам ұйғыр қамалды. Олардың 100-ден астамы Қытайға күшпен қайтарылды. Өзгелері өздерін Түркияға депортациялауды сұрап отыр.

Айта кетсек, осыдан бірнеше жыл бұрын жүздеген ұйғыр қысым көрдік деп, Шыңжаңнан қашты. Алайда, Қытай үкіметі бұл мәліметті жоққа шығарып отыр.

Арыстан РЫСБЕК