Каталонияның 8 лидері тұтқындалды

Барселона тұрғындары үйлерінің балкондарына шығып, кастрюльдерін даңғырлатты. Осылайша, олар испан үкіметінің Каталонияның бұрынғы 8 лидерін тұтқындауына наразылық білдірді. Ол басшылар кеше Мадрид сотына шақырылып, Барселонаға оралмады.

Испания үкіметі Каталония жетекшілерін қазанның 1-де тәуелсіздік референдумын өткізгені үшін ұстады. Королдіктің министрлер кабинеті  олардың әрекеті елді бөлшектеуге апарады деп есептейді. Соған қарамастан, Испаниядан бөлінуге жақтастар Барселонадағы парламент ғимаратының жанында да ауқымды шеру өткізіп, қамалғандарды босатуды талап етті. Мұндай талапты Испания әділет органдарына Каталонияның Брюссельде жүрген экс-лидері Карлес Пучдемон да қойды.

Арыстан РЫСБЕК