«ДАИШ» содырлары шөлде қайта топтасып жатыр

«ДАИШ» қарулы тобы Ирак пен Сирияда біржола талқандалды деуге ертеректеу тәрізді. Бүгін түскен мәліметке қарағанда үлкен қалалардан ығыстырылған бұл ұйымның содырлары Сирияда шөлге көшіп жатыр. Сарапшылардың пікірінше, осылайша, экстремистер қайта топтасып, жаңа шабуылдарға әзірленбек.

Бір кездері «ДАИШ» шөлге шоғырланып, өз құрамына әлемнің түкпір-түкпірінен ондаған мың адам жинады. Болжамдарға қарағанда олар қайта топтасқаннан кейін партизандық тәсілді таңдап, шабуыл жасау - қашып кету әдісіне көшеді. Сондай-ақ, оның қатарын Ирактың шииттік үкіметінен теперіш көрген сүннит мұсылмандар қайта толықтыруы мүмкін.

«ДАИШ» орналасқан шөл «Бадият әш-Шам» деп аталады. Оның аумағы - 500 шаршы шақырым.

Арыстан РЫСБЕК