«ДАИШ» Сирияда 60-тан астам адамды өлтірді

«ДАИШ» қарулы тобы Сирияда 60-тан астам адамды өлтірді. Тағы 100 шақты тұрғын жоғалып кеткен. Қанды оқиға елдің орталығындағы Хомс провинциясының әл-Қариятайн деген қалада болды. Бұл шаһарды армия сенбі күні азат етті. Құрбандардың ішінде мемлекеттік қызметкерлер мен зейнеткерлер және олардың отбасылары бар. Қазір ізім-қайым кеткен адамдар іздестіріліп жатыр. 
Қала «ДАИШ»-тың қолына осы айдың басында өтті. Экстремистер үш апта билік еткенде мұнда жергілікті тұрғындарды «режимнің агенттері» деп қырғынға ұшыратқан.

Арыстан РЫСБЕК