ҚХР мемлекет басшысының ойлары конституцияға жазылады

Қытай Компартиясы мемлекет басшысы Си Цзиньпиннің аты-жөні мен идеологиясын конституцияға енгізуге дауыс берді. «Осылайша, ол елдің  Мао Цзэдуннан кейінгі ең қуатты лидеріне айналды»,- деп хабарлайды «ВВС».

«Си Цзиньпиннің ойларын» басты заңға жазу туралы шешім бүгін Компартияның 19-шы съезінің соңына таман қабылданды.

Айта кетсек, өткен аптада осы конгресс басталғанда, Си мырза үш сағат бойы сөз сөйлеп, өз философиясын алғаш рет «жаңа дәуірдегі Қытайға тән социализм» деп таныстырған еді. Оған сәйкес, Қытай 2049 жылға дейін қоғамның барлық салаларын қамтитын заманауи әрі гүлденген елге айналуы керек.

Бұған дейін Қытай Конституциясына Дэн Сэопин мен Мао Цзэдунның есімдері ғана енген екен.

Арыстан РЫСБЕК