АҚШ пен Түркия бір-біріне виза беруді тоқтатты

Түркияның Вашингтондағы елшілігі америкалықтарға түрік дипломатиялық миссияларынан иммиграциялық емес виза беруді тоқтатты. Мұның алдында Құрама Штаттардың Стамбулдағы бас консулдығының қызметкері әрі Түркия азаматы Метин Топуз тұтқындалған-ды. Ресми Анкара оның былтырғы сәтсіз төңкеріс үшін айыпталған Ислам уағызшысы Фетхуллах Гүленмен байланысы бар деп есептейді. Естеріңізге сала кетсек, Гүлен 2016 жылғы путчқа қатысым жоқ деп келеді.

Топуз ұсталғаннан кейін АҚШ та Түркия азаматтарына иммиграциялық емес виза беруді тоқтатты. Вашингтон мұндай қадамға өзінің түрік қаларындағы дипломатиялық мекемелеріндегі қызметкерлерінің қауіпсіздігі үшін барғанын мәлімдеп отыр.

Арыстан РЫСБЕК