Венесуэлада әйелдер азық-түлік пен дәрі-дәрмек үшін шашын сатуға мәжбүр

Оның құны сапасы мен ұзындығына байланысты 6 доллардан 21 долларға немесе елдегі ең төменгі жалақыға пара-пар. «Балаларымның дені сау болып, қарны ашпаса болды, шаш өседі ғой», - дейді 30 жастағы Крисмари Гонсалес есімді ана. Жергілікті қыз-келіншектер шашты қымбатқа өткізу үшін тіпті көрші Колумбия мен Панамаға да барады.

Мұнайлы ел Венесуэла әлемде шикізат бағасы түскелі ауыр экономикалық дағдарысты бастан кешіп жатыр. Халықаралық валюта қорының болжамынша, келесі жылы мұнда валюта тапшылығы мен өндірістің құлдырауынан инфляция деңгейі 2 мың пайызға жетуі мүмкін.

Арыстан РЫСБЕК