Стамбулда Ирактағы референдумға қарсы шеру өтті

Стамбулда Солтүстік Ирактағы күрдтердің тәуелсіздік туралы референдум өткізу жоспарына қарсы шеру өтті. Бұл акцияны «Ұлттық қозғалыс» партиясы ұйымдастырған. Оған қатысқан жүздеген адам қолдарына Түркияның және Ирактағы түркімендердің туын ұстап шыққан. Сонымен қатар, демонстранттар күрдтердің қыркүйектің 25-де дауыс беруіне жол бермеуді талап етті.

АҚШ пен Еуропа елдері де бұл референдумға қарсы. Олардың пікірінше, Күрдістан жартылай автономиясы мен ресми Бағдад арасындағы дау «ДАИШ»-пен күрес науқанын бағытынан тайдырып, Иран, Сирия, Түркия, Иракта сепаратизм отын өршітуі мүмкін.

Арыстан РЫСБЕК