Қытайдың оңтүстігі мен Гонконгқа тайфун соққы берді

Қытайдың оңтүстігіндегі Гуандун провинциясы мен Гонконгқа «Хато» деген сұрапыл тайфун соққы берді. Соған байланысты мектептер мен мемлекеттік мекемелер жабылды.

Гонконгтың метеорологиялық қызметі қауіптің ең жоғары 10-шы дәрежесін жариялады. Өйткені, желдің жылдамдығы сағатына 155 шақырымға жетсе, су қоймаларының деңгейі 5 метрге көтеріледі деген болжам бар. Сонымен қатар, мұнда көшелерді су басып, ағаштар құлап, 400-дей ұшақ аспанға көтерілген жоқ. Ал, Макаомен және жақын маңдағы аралдармен көлік қатынасы үзілген. Бұған қоса, Гонконгта қор биржасы жабылып, үйлерінен көшірілгендер үшін 27 уақытша орталық ашылды.

Арыстан РЫСБЕК