Францияда фургон 2 аялдаманы соғып, 1 адам мерт болды

Бүгін Францияның Марсель қаласында фургон көлік екі ауданда екі аялдаманы соқты. 40 жастағы 1 әйел қаза тапты, тағы 1 ер адам жараланған. Дегенмен, бұл оқиға әзірге теракт деп қарастырылып жатқан жоқ. Полицияның мәліметінше, 35 жастағы азамат тұтқындалды. Ол ұсақ-түйек қылмыстар мен психологиялық проблемалар үшін осыған дейін тәртіп сақшыларының назарына іліккен екен.

Естеріңізге сала кетсек, бейсенбі күні Испанияның Барселона және Камбрилис қалаларында автокөлікпен жасалған екі террорлық актіден 15 адам қаза тапты.

Арыстан РЫСБЕК