Қырғызстан президенттігіне кандидат 59 адамның 11-і бір кездері қылмыстық жауапқа тартылған

Араларында «жемқорлық», «бұзақылық», «жалған кәсіпкерлік», «ұлтаралық араздықты қоздыру» тәрізді баптар бойынша істі болғандары бар. Мұны елдің Орталық сайлау комиссиясының басшысы Нұржан Шайылдабекова мәлімдеді.

Қырғызстанда президенттік сайлау қазанның 15-де өтеді. Ал, Алмазбек Атамбаевтың президенттік мерзімі желтоқсанның 1-де аяқталады. Конституция бойынша, ол екінші мәрте сайлауға мемлекет басшылығына үміткер ретінде қатыса алмайды.

Арыстан РЫСБЕК