Венесуэлада үкіметке қарсы шеруде 11 адам қаза тапты

Венесуэлада жаңа орган - Конституциялық ассамблеяға сайлау кезінде оппозициялық шерушілер мен полиция қақтығысты. 11 адам қаза тауып, ондағаны жараланған. Жүзден астам адам ұсталды. 
Шерушілер президент Николас Мадуро құрған құрылтай жиналысы  - Конституциялық ассамблеяға наразы. Бұл орган Венесуэланың негізгі заңын өзгертуге құқылы. Оппозицияның пікірінше, осы арқылы Мадуро билікті сақтап қалуды көздейді. Ал, президенттің өзі «Ассамблея бір-біріне қарсы тараптарды татуластырып, азаттық жанжалды басуға көмектеседі», деп есептейді. Мадуроның әрекеті өзге елдердің сынына ұшырады. АҚШ Венесуэланың мұнай индустриясына қарсы санкция жариялайтынын ескертіп отыр.

Арай ТӨЛЕГЕНҚЫЗЫ