Дамасктің сыртындағы Гута ауданында әуе соққысынан 8 адам қаза тапты

Құрбандардың бесеуі – бала, екеуі – әйел. Мұны Сириядағы Адам құқықтарын қорғау жөніндегі обсерватория мәлім етті. Оның дерегінше, 50 тұрғын жараланғандар мен із-түзсіз жоғалып кеткендердің қатарында. Авиациялық шабуыл жергілікті уақытпен түнгі 11-лер шамасында болған. Сириялық әскерилер бұл оқиғаға қатысты әзірге мәлімдеме жасаған жоқ. Ал, өткен сенбіде оппозициялық күштердің бақылауындағы Шығыс Гутада Сирия қарулы күштері атысты уақытша тоқтатқан еді.

Арай ТӨЛЕГЕНҚЫЗЫ