Қарабаққа барған блогер үш жылға сотталды

Әзірбайжан соты ресейлік-израильдік азаматты үш жылға түрмеге қамады. Блогер Александр Лапшин Әзірбайжан билігінің келісімінсіз Қарабаққа барды деп айыпталып отыр. Соттың шешіміне сай, ол ортақ тәртіптегі түрмеде жазасын өтейді. 

Лапшин 2016 жылы Минскіде ұсталып, Мәскеудің қарсылығына қарамастан, Бакуге жөнелтілді. Блогер 2011-2012 жылдары Қарабаққа бару арқылы «Әзірбайжанның мемлекеттік шекарасы» және «Төлқұжаттар» туралы заңдарын бұзды деп айыпталған.   

Арай ТӨЛЕГЕНҚЫЗЫ