АҚШ-та су тасқынынан 9 адам қаза тапты

АҚШ-тың Аризона штатында су тасқыны кезінде 9 адам қаза тапты. Олар үздіксіз жауыннан кейін арнасынан тасыған өзенде жүзіп жүргенде құрдымға кеткен. Тағы бір адам іздестіріліп жатыр. Құрбандардың екеуі – кішкентай бала. Іздеу-құтқару жұмыстарына тікұшақтар тартылған.

Жергілікті ауа райын бақылау жөніндегі ұлттық орталық су тасқыны қаупінің әлі де сейілмей отырғанын ескертті.    

Арай ТӨЛЕГЕНҚЫЗЫ