Жүздеген мың адам Трампқа қарсы шеруге шықты

Бүгін Ислам Революциясының 38 жылдығына байланысты Тегеран көшелеріне жүздеген мың адам шығып, АҚШ президенті Дональд Трампқа наразылық білдірді. Халықты демонстрацияға рухани жетекші Аятолла Хаменей мен президент Хасан Роухани шақырды.

Олардың ойынша, ирандықтар осы шеру арқылы Вашингтоннан қорықпайтынын көрсетуі тиіс. Акция барысында революциялық әндер шырқалып, тұрғындар «Америка өлсін» деген ұрандар көтерді.