Парламент «Брекситті» бастауды мақұлдады

Екі күндік талқылаудан соң заң жобасын депутаттардың 498-і қолдап, 114-і қарсы шыққан.

Ұлыбритания парламентінің қауымдар палатасы ЕуроОдақтан шығу үрдісін бастауды мақұлдап, дауыс берді. Екі күндік талқылаудан соң заң жобасын депутаттардың 498-і қолдап, 114-і қарсы шыққан.

«Брексит» тәртібі туралы Лиссабон келісімінің 50-ші бабын іске қосу туралы заңның екінші оқылымы ақпанның 6-на белгіленген. Бірнеше күн талқылаудан соң, құжат Лордтар палатасына өтеді.

Арай ТӨЛЕГЕНҚЫЗЫ