2014 жылы жоғалған «Боингты» іздеу тоқтатылды

Австралия, Малайзия, Қытай 2014 жылы жоғалып кеткен «Боинг» ұшағын іздеу операциясын тоқтатты. Бұл лайнер – «Малайзия әуе жолдары» компаниясына тиесілі. Ол Куала-Лумпурдан Бейжіңге ұшып бара жатып радар экранынан ғайып болды.

2014 жылдың наурызынан бері Австралияның батысындағы 120 мың шаршы шақырым аумақ тінтілген. Алайда, ұшақтың құлаған жері әлі анықталмады.