Апатқа ұшыраған ТУ-154 ұшағының екінші қара жәшігі табылды

Сочиде апатқа ұшыраған ұшақтың екінші қара жәшігі су түбінен шығарылды.
Ресейлік мамандар құрылғыны зерттеп, Қара теңізге құлап бара жатқан сәттегі ұшқыштардың соңғы сөздерін тыңдады. Әзірге белгілі болғаны, лайнердің қанатындағы ұшып-қонған сәтте ашылып-жабылып тұратын механизмдердің бірі көкке көтерілген соң жабылмай қалған. Қара жәшіктегі аудиожазба бойынша экипаж мүшесінің ең соңғы айтқаны «командир, құлап барамыз» деген сөздер. Соған қарағанда ТУ-154-тің апатқа ұшырауына техникалық ақау немесе ұшқыштардың қателігі себеп болуы мүмкін.