Кей өңірде күн райы бұзылады

Еліміздің кей аймақтарында дауылды ескерту жарияланды. Төтенше жағдайлар министрлігінің хабарлауынша, солтүстік өңірлерде найзағай ойнап, қатты жауын-шашын болады. Ақмола, Солтүстік Қазақстан, Павлодар, Қарағанды, Ұлытау және Абай облыстарында, сондай-ақ бірқатар басқа өңірлерде жылдамдығы 15-20 м/с және одан да жоғары болатын жел соғуы мүмкін. Жетісу, Қызылорда, Түркістан, Қарағанды, Ұлытау, Шығыс Қазақстан және Абай облыстарында өрт қаупі сақталады. Түнде және таңертең Батыс Қазақстан, Атырау, Маңғыстау, Шығыс Қазақстан, Қостанай және басқа да облыстардың жекелеген аудандарын тұман басуы ықтимал.