СҚО-да банкроттыққа өтініш берушілер көбейді

Солтүстік Қазақстан облысы бойынша соңғы 3 жылда 8753 адам өздерін банкрот деп тануды сұраған. Оның ішінде 1 687 өтініш мақұлданды.  Олардың жалпы берешегі 1,2 миллиард теңгеден асқан. Сонымен қатар 2023-2026 жылдар аралығында өңірде 20 жеке кәсіпкер банкрот болғандар қатарына жатқызылды. Үшеуі биыл қарыздары бойынша төлем қабілетсіздігін мойындаған. Банкроттық рәсім аяқталғаннан кейін үш жыл бойы қаржылық мониторинг жүргізіледі. Сонымен қатар несие алуға бес жылға шектеу қойылады. Ал бұл әдісті қайта қолдануға жеті жылдан кейін ғана мүмкіндік беріледі.

Банкроттық рәсімін қолдану талаптарының бірі – өтініш берушінің меншігінде мүліктің болмауы. Бұл ретте ортақ меншіктегі мүлік те ескеріледі. Сондай-ақ өтініш беруші барлық несие бойынша кредиторлар алдындағы берешегін бір жыл бойы өтемеуі қажет.