Таиланд визасыз жүру мерзімін 30 күнге дейін қысқартты

Ертеңнен бастап Қазақстан азаматтарының Таиландта визасыз болу мерзімі 60 күннен 30 күнге дейін қысқарады. Бұл туралы еліміздің Таиландтағы елшілігі хабарлады.Таиланд үкіметінің бұл шешімі – екі ел арасындағы базалық үкіметаралық келісім талаптарына қайта оралуды көздейді. Оған сәйкес Қазақстан азаматтары ұлттық паспортпен ел аумағында визасыз 30 күнге дейін бола алады.

Сонымен қатар шетелдіктердің Таиландқа бірнеше рет кіруіне қатысты шектеулер жаңартылады. Кез келген 180 күн ішінде елде болған жалпы мерзім 90 күннен аспауы тиіс.