Ресей мен Түркия Сирияда ымыра жариялауға келісті

Ресей мен Түркия бүгін желтоқсанның 29-да түнгі сағат 00:00-ден бастап Сирияның барлық аумағында атысты тоқтату жоспарына келісті.
Мұны түріктің «Анадолы агенттігі» хабарлап отыр. Егер бұл жоспар сәтті жүзеге асатын болса, Сирия үкіметі мен оппозициясы келесі айда Астанада кездесіп, жанжалды реттеудің саяси жолдарын талқылауы керек. Қазақстанда өтуі мүмкін келіссөздерге Түркия мен Мәскеу қолдау білдірмек. Жаңа жоспар Сирияда оппозициялық топтар мен армия соғысып жатқан барлық аудандарда қолданылады.