Қытайдың Шыңжаң-Ұйғыр автономиялық аймағында құмды дауыл соғып, жолдарда қатынас қиындады

Шыңжаңның Ақсу префектурасында 900 метрден артық жерге көз жеткізу мүмкін емес. Дәл осы ауданда жүздеген адам авиациялық көлікпен сапарға аттана алмады. Әзірге зардап шеккен адамдар туралы мәлімет түскен жоқ. Құмды дауылдың көтерілуіне сағатына 70 шақырым жылдамдықпен соққан жел себепші. Синоптиктердің хабарлауынша, кейбір аудандарда күн алдағы 12 сағатта ашылмауы мүмкін.

Арыстан РЫСБЕК