Қытай Түркияның күн энергиясы секторына 10 млрд доллар инвестиция салуды көздейді

Қытай елі Түркияның энергетитка секторына 15 млрд доллар инвестиция салуды көздеп отыр. Бұл соманың басым бөлігі күн, жел энергиясы салаларына бағытталуы мүмкін. Бұл туралы Түркияның Энергетика және табиғи байлықтар жөніндегі министрі Берат Албайрак мәлімдеген.

Қазіргі таңда Қытай инвесторлары Түркияның Юмурталық қалашығында құны 1,7 млр долларлық жылу электр стансасын салып жатыр. Алайда, қытайлықтар Түркияның энергетика секторына құймақ болған инвестицияны тек осы жобамен шектемек емес. Қытай жағы тағы 15 млрд доллар қаржы бөлуді де көздеп отырған көрінеді.

Қытай мемлекеті ұсынған осы инвестицияның 10 млрды күн, 2 млрды жел энергиясы секторы үшін қарастырылыпты. Қалған 3 млрд доллар жылу электр стансаларының құрылысына бағытталған.