Джулиан Ассанж тұтқындалуға әзір

Ал, егер кінәсіз деп танылса, Ассанж паспортын алып, тұтқындау әрекетінен құтылудан үмітті.

Біріккен Ұлттар Ұйымының бас бостандықтан заңсыз айыру жөніндегі жұмыс тобы атышулы «Викиликс» сайтының негізін қалаушы Джулиан Ассанжды қолдады. Осы комиссия өкілдері мәлімдегендей, британ полициясы Эквадор елшілігін күзете отырып, Ассанжды заңсыз қамауда ұстаған.

Бұған дейін Ассанждың өзі «Біріккен Ұлттар Ұйымы шағымымды қанағаттандырмаса, тәртіп сақшыларының қолына түсу үшін жұма күні түскі сағат 12:00-де дипмиссиядан шығамын», дегенді. Ал, егер аталған жұмыс тобы кінәсіз деп тапса, Ассанж паспортын алып, тұтқындау әрекетінен құтылудан үміттенді.