Британия өз әскерін Ауғанстанда қалдыру мерзімін бір жылға ұзартты

Корольдіктің сарбаздары мен офицерлері Ислам Республикасында келесі жылы да қалады.
Мұны Ұлыбритания Қорғаныс министрі Майкл Фаллон мәлімдеді. «Қауіпсіз және тұрақты Ауғанстанды құру үшін әскери миссияны 2016 жылы да жалғастырамыз деген ұйғарымға келдік», - дейді ол.

АҚШ бастаған коалициялық күштердің басым бөлігі Ауғанстаннан былтыр шығарылды. Содан кейін шабуылдар жиілеп, көптеген аудандар «Талибанның» қарамағына қайта өтті. Сондықтан, осы айдың басында Президент Барак Обама да Америка контингентін Ауғанстанда келесі жылы да қалдыру туралы шешім қабылдады.

Арыстан РЫСБЕК